ஆறு பேரைக் கொண்ட மலையேறும் குழு செவ்வாய் கிழமையன்று காலை மலையேறத் தொடங்கியது. இதில் ஒருவர் உடல்நிலை சரியில்லாததால் தன் பயணத்தை நிறுத்திவிட்டார். மற்றவர்கள் திட்டமிட்டபடி மழையேறினர்.

கீழே இறங்கும்போது ஒருவரை ஒருவர் இணைத்து கயிறால் கட்டப்பட்டிருந்தனர். ஒருவர் கால் வழுக்கி கீழே விழ மற்றவர்களுடன் அவரோடு சேர்ந்து கீழே விழுந்திருக்கலாம் என்று ஊகிக்கப்படுகிறது. உண்மையான காரணம் என்னவென்று முழு சோதனைகளும் முடிந்த பின்பே தெரியவரும்.

பனியாற்றின் அருகில் ஐவரது உடல்களும் மீட்புப்படையினரால் கண்டுபிடிக்கப்பட்டன. உடனே அவற்றை ஹெலிகப்டர் மூலம் மருத்துவமனைக்குக் கொண்டுவந்தனர். விரைவில் மருத்துவ சோதனைகள் முடிந்துவிடும் என்று நிறுவனத்திற்கு காவல் துறையின் செய்தித் தொடர்பாளர் தெரிவித்தார்.

இறந்தவர்களின் உறவினர்களுக்குத் தகவல் தெரிவித்த பின்பு தான் இவர்கள் யார், எந்த நாட்டைச் சேர்ந்தவர்கள் என்ற தகவல்கள் வெளியாகும். மீட்புப்படையின் தலைவர் ஜேர்மனியின் செய்தி நிறுவனத்துக்கு அளித்த பேட்டியில், ஒருவர் நழுவியதால் அனைவரும் அவரைத் தொடர்ந்து கீழே விழுந்திருக்கலாம் அல்லது பனிச்சரிவு ஏற்பட்டிருக்கலாம் என்றார்.

மூடுபனி நிறைந்திருப்பதால் மரணத்திற்கான சரியான காரணத்தைக் கண்டுபிடிப்பது கடினமாக இருக்கிறது என்றார். கடந்த 2011ம் ஆண்டில் வெளிவந்த அறிக்கையின் படி 2005 முதல் 2009 ஆண்டுக்குள் ஆண்டொன்றுக்கு முப்பதுபேர் மலைப்பயணத்தில் விபத்துக்குள்ளாகி மரணமடைவதாகவும் இவர்களின் பாதிப்பேர் வெளிநாட்டை சேர்ந்தவர் எனவும் தெரிவித்துள்ளது.