இத்தகவலை ஜெனீவாவில் நடந்த ஐரோப்பிய அணுவியல் ஆராய்ச்சி அமைப்பின் கருத்தரங்கு ஒன்றில் செர்னின் பொது இயக்குநர் ரோல்ஃப் ஹியுயர் தெரிவித்தார்.

இப்போது நாங்கள் ஒரு புதிய அணுக்கூறை கண்டுபிடித்திருக்கிறோம். இது ஒரு போசோனாக இருக்கலாம் என்று கருதுகிறோம். இதுவே இதுவரை கண்டுபிடிக்கப்பட்டதில் கனமான போசோனாகும்.

இந்த போசோன் உறுதியாகவும், திடமாகவும் இருக்கின்றது என்று ஜோ இன்காண்டெலா என்பவர் தெரிவித்தார். இவர் ஹிக்ஸை ஆராயும் இரண்டு குழுக்களில் ஒன்றிற்கு செய்தித் தொடர்பாளராக விளங்குகிறார்.

இயற்பியல் விஞ்ஞானிகள் அணுக்கூறுகளை ஒளி வேகத்தில் சிதைக்கின்றனர். இதனால் அணுவில் உள்ள புரோட்டான்கள் சக்தியுடன் மோதி நொறுங்குகின்றன. இந்த ஆராய்ச்சிகள் உலகத் தோற்றத்தின் போது நடைபெற்ற பெருவெடிப்பின் தன்மையை அறிய உதவுகின்றன.

இந்த ஆராய்ச்சியை 2010ம் ஆண்டு முதல் ஜெனீவாவில் பூமிக்குக் கீழே LHC என்று அழைக்கப்படும் சோதனையை Large Hadrow Collider என்ற பெயரில் நடத்தி வருகின்றனர். இந்தச் சோதனையால் கிடைக்கும் ஏராளமாகத் தகவல்களைக் கொண்டு, ஹிக்ஸ் போசோன் என்ற அணுக்கூறின் தன்மையை அறிய முனைகின்றனர்.

ஹிக்ஸைத் தேடியறியும் முயற்சியில் இந்த அணுக்கூறை நொறுக்கும் சோதனைகள் மும்மடங்காகிவிட்டன. இந்த அணுக்கூறு, இறைமை அணுக்கூறு என்றும் அழைக்கப்படுகிறது.