தெற்கு இங்கிலாந்தைச் சேர்ந்த ராபர்ட் மெக்கிரிகோரும் அவரது மனைவி சேலி ஸ்டோன்லியும் மலையேறிக் கொண்டிருந்தபோது அங்கு ஊன்று கோல்களையும், காலணிகளையும் பார்த்தனர்.

ஊன்றுகோல்கள் உடைந்ததால் விட்டுச்சென்றிருக்கலாம். ஆனால் எவரும் காலணிகளை கழற்றி விட்டு இந்தப் பனிமலையில் ஏற இயலாதே என்று சுற்றிலும் ஆராய்ந்தனர்.

அப்போது அங்கு சில எலும்புகளைக் கண்டனர். அருகில் இன்னும் சில எலும்புகள் கிடந்தன. இவர் மருத்துவராகவும் இவரது மனைவி தாதியாகவும் பணியாற்றுவதால் இவர்களுக்கு இந்த எலும்புகளின் தன்மை பற்றித் தெரிந்தது.

இவை எதுவும் உடைந்து கிடக்கவில்லை. அருகிலேயே இரண்டு மண்டையோடுகளும் கிடந்தன. அவையும் எவ்வித சேதமுமின்றி முழுமையாக இருந்தன.

மெக் கிரிகோர், மலை மருத்துவத்தில் பட்டயப்படிப்பு படித்திருந்தார். பனிச்சரிவுகளால் ஏற்படும் ஆபத்துகள் குறித்து அறிந்திருந்தார். எனவே இந்த எலும்புகள் இணைந்து காணப்படுகின்றன என்பதை மெக் கிரிகோர் ஊகித்ததாக ஊடகத்தினருக்கு அளித்த பேட்டியின் போது தெரிவித்துள்ளார்.