இவர் இந்த எச்சரிக்கையை விடுத்த இரண்டு மாதத்திற்குள், பணக்காரர்கள் பிரான்சை விட்டு வெளியேறுவதற்கான நிர்ப்பந்தங்கள் கட்டாயம் உருவாகி வரும் இந்த வேலையில், ஹோலாண்ட் வரும் வாரங்களில் சொத்து வரி உயர்த்துவது குறித்து அறிவிக்கப்போகிறார்.

வழக்கறிஞர் கெனெல் வரி உயர்வு குறித்து பிரெஞ்சுப் பணக்காரர்கள் தன்னிடம் ஆலோசனை கேட்கத் தொடங்கிவிட்டதாகத் தெரிவித்தார். பாரிஸ் வழக்கறிஞரான எரிக் கிண்ட்டெரும் கெனெலின் கருத்தை உறுதி செய்தார்.

தன்னுடைய பணக்கார வாடிக்கையாளர்கள் கவலையோடிருப்பதாகவும் சொத்தை எடுத்துக்கொண்டு பிரான்சை விட்டு வெளியேறுவது எப்படி என்று தன்னிடம் ஆலோசனை கேட்பதாகக் கூறினார்.

இன்னொரு பிரெஞ்சு வழக்கறிஞரான பியர் டிடியூ, உடனடியாக பணக்காரர்கள் கூட்டம் கூட்டமாக பிரான்ஸை விட்டு வெளியேறப் போவதில்லை என்றாலும் வரியிலிருந்து தப்பிக்க வழி தேடுவது உண்மை என்றார்.

கடந்த வருடம், முன்னாள் ஜனாதிபதி சர்கோசி வரிக்கான சொத்து மதிப்பை 720,000 யூரோவிலிருந்து 1.3 மில்லியனாக உயர்த்தினார்.

வரி விகிதத்தை 0.25 சதவீதத்தில் இருந்து 0.5 சதவீதம் ஆக்கினார். ஆனால் ஹோலாண்டு இதனை 1.8 % ஆக்கப் போகிறார். எனவே வரியிலிருந்து தப்பிக்க பணக்காரர்கள் ஆலோசித்து வருகின்றனர்.