ஒரு வாரத்தில் 16½ மணிநேரம் இரைச்சல் இல்லாமல் அமைதி காக்க ஜேர்மனி ஒத்துக்கொண்டது. இரவு நேர விமானங்கள் மூன்று மணிநேரத்துக்கு முன்பே இனி கிளம்பிவிடும்.

காலையில் வரும் விமானங்கள் அரைமணி நேரம் முன்னதாக வந்துவிடும். ஆனால் ஜேர்மனி தனது வான் எல்லைக்குள் பறக்கும் எந்த விமானப்பயணத்தையும் ரத்துச் செய்யாது. அனைத்துப் பயணங்களும் வழக்கம் போலத் தொடரும்.

தெற்கு ஜேர்மனியின் மேல் பறக்கும் விமானங்கள் வேலை நாட்களில் காலை 6.30 முதல் மாலை 6 மணி வரை பறக்கலாம். விடுமுறை நாட்களில் காலை 9 மணி முதல் மாலை 6 வரை பறக்கலாம்.

இவ்வாறு இரு தரப்பிலிருந்தும் ஒப்பந்தம் கையெழுத்தாகி இருப்பதாக சுவிஸ் போக்குவரத்துத் துறை அமைச்சர் டோரிஸ் லியுதார்ட் நேற்று தெரிவித்தார். பெர்னில் நடந்த செய்தியாளர் சந்திப்பின்போது பல ஆண்டுகளாக இழுத்துக் கொண்டிருந்த இந்தப் பிரச்னை ஒருவழியாக முடிவுக்கு வந்தது என்றாலும் எங்களுக்கு பாதி திருப்தியாகவுள்ளது என்றார்.

ஏதோ ஒரு தீர்வு கிடைத்திருந்தாலும் இது நாங்கள் எதிர்பார்த்தபடி சிறப்பானது அல்ல. இருவரும் விட்டுக்கொடுத்திருக்கிறோம் அதுவே பேச்சுவார்த்தையின் பலன் என்றார்.