சுவிட்சர்லாந்துக்குள் வர அனுமதி கேட்கும் மாணவன் ஜோர்டானின் குடிமகனாவான். இவன் சோமாலியாப் பகுதியில் இருந்திருக்கிறான். அங்கு ஜிஹாத் குழுக்கள் அரசை எதிர்த்துத் தீவிரவாதச் செயல்களில் ஈடுபட்டு வருகின்றனர்.

அவர்களோடு இவனுக்குத் தொடர்பிருக்கிறது. மேலும் சுவிட்சர்லாந்திலும் இஸ்லாமிய இயக்கங்களோடு இவன் தொடர்பு கொண்டுள்ளான்.

மத்திய காவல்துறை மற்றும் உளவுத்துறை வெளியிட்ட தகவல்களை வைத்து இவனை நாட்டுக்குள் அனுமதிக்கக்கூடாது என்று முடிவுசெய்துவிட்டது. சுவிட்சர்லாந்தின் பாதுகாப்பைக் கருதி, இம்முடிவை எடுத்ததாகவும் தெரிவித்துள்ளது.

மத்திய காவல்துறை ஒவ்வொரு ஆண்டும் சுமார் 150 பேருக்கு நுழைவுத் தடை விதித்துள்ளது. பீல் என்ற ஊரைச் சேர்ந்த இந்த பத்தொன்பது வயது மாணவன் தான் குற்றமற்றவன் என்றும், இந்த தற்காலிகத் தடையை எதிர்த்து மேல்முறையீடு செய்யப் போவதாகவும் தெரிவித்தான்.

அப்போது மத்திய நிர்வாக நீதிமன்றத்தில் இவனது வழக்கு நடைபெறும். அவனது வழக்கறிஞர் அவன் மேல் முறையீடு செய்யப்போவதாகத் தெரிவித்தார்.