நேற்று வெளியிடப்பட்ட அறிக்கையில் ஜேர்மனியின் மெர்க் நிறுவனத்தின் நிர்வாகக்குழு உறுப்பினரும் சுவிஸ்ஸில் உள்ள மெர்க் செரோனோ பிரிவின் தலைவருமான ஸ்டீபன் ஓஷ்மான் என்பவர், ஜெனீவாவில் உள்ள இந்த நிறுவனத்தை மறுகட்டமைப்புச் செய்வது என்பது மிகவும் சிரமமானதாகும்.

மெர்க் செரோனோவின் எதிர்காலத்தைப் பாதுகாக்கக் கருதியே இம்முடிவு எடுக்கப்பட்டதாகத் தெரிவித்தார். மேலும் “பணியாளர்கள் முன்மொழிந்த சில ஆலோசனைகளை நிறுவனம் ஏற்றுக்கொண்டது ஓய்வு பெறும் வயதை 58 இல் இருந்து 56 ஆக்கியதும் பணியாளர்களின் ஆலோசனை தான்” என்றார்.

இந்நிறுவனத்தின் பணியாளர்கள் தங்களின் வேலையிழப்பு குறித்து போராட்டம் நடத்த திட்டமிட்டு உள்ளனர். ஜெனீவா மாநிலத்தின் சட்டசபையும் மெர்க் நிறுவனத்தின் மீது தனக்குள்ள கோபத்தையும், அதிருப்தியையும் பதிவு செய்துள்ளது.

மெர்க் செரோனோவின் ஆதரவு நிதியைக் (30 மில்லியன் யூரோ) கொண்டு ஜெனீவாவில் உயிர் நுட்பத் தொகுதி ஒன்றை அமைக்கவும் அந்நிறுவனம் திட்டமிட்டுள்ளது. இதற்கிடையே இந்நிறுவனத்துக்காக மாநில, மத்திய பிரதிநிதிகளும் அறிஞர் பெருமக்களும் ஒரு பணிக்குழு அமைத்து கூடுதல் நிதி வேண்டும் என்று கோரினர்.

ஆனால் இயக்குநர் குழுவின் தலைவரோ இப்போது உள்ள நிதியே போதுமானது என்று கூறிவிட்டார்.