இதற்கான சட்டத்திருத்தத்தை 2013ம் ஆண்டில் செய்யப் போவதாகவும் அரசு அறிவித்தது. இப்போது கருமுட்டையை கருப்பைக்கு மாற்றுவதற்கு முன்பு மரபணு பரிசோதனை(PDI) செய்யக்கூடாது என்ற சட்டம் நடைமுறையில் உள்ளது.

பரம்பரை வியாதி ஏற்படும் அபாயம் இருப்பதால் இப்போது இந்த மரபணுப் பரிசோதனைக்கு அரசு அனுமதி வழங்கலாம் என முடிவெடுத்துள்ளது. அனுமதிக்கப்பட்டுள்ள மூன்று கரு உற்பத்திக்கு பதிலாக இனி எட்டு கருக்களை உற்பத்தி செய்யலாம்.

மரபணு பரிசோதனை நடத்தி மரபுரீதியான நோய்ப் பாதிப்பு இல்லாத கருவைத் தேர்ந்தெடுத்து கருப்பைக்குள் வைக்கலாம். இந்த ஒரு காரணத்துக்காக மட்டுமே மரபணு பரிசோதனை நடத்தப்பட வேண்டும்.

இது தவிர சிறப்பான பண்புகளை உடைய குழந்தை வேண்டும் என்பதற்காகவோ, முன்பு பிறந்து நோய்வாய்ப்பட்டிருக்கும் குழந்தைகளின் நோயைத் தீர்க்க திசுக்களைச் சேகரிப்பதற்காகவோ மரபணுப் பரிசோதனை நடத்தக்கூடாது.

பல கருக்கள் உற்பத்தியாகும் போது அவற்றைப் பாதுகாக்க, இப்போது சட்டம் அனுமதிக்கின்றது. இந்த அனுமதி தொடரும் என்றாலும், இந்தப் பாதுகாப்பு தாய் சேய் நலம் தொடர்பானதாக இருந்தால் மட்டுமே அனுமதிக்கப்படும்.

அரசியலமைப்புச் சட்டத்தின் 119 விதியில் இதற்கான மாற்றம் கொண்டுவரப்படும். இதற்காக உள்துறை அமைச்சகம் ஒரு சட்ட மசோதாவை தயாரித்து பாராளுமன்றத்தில் சமர்ப்பிக்கும்படி அரசு கேட்டுக் கொண்டுள்ளது.

இதற்கான ஆலோசனைக் குழுவின் ஒப்புதுல் அரசு பெற்றுவிட்டது. இதில் மாற்றம் தேவைப்பட்டால் பொதுமக்களின் வாக்கெடுப்புக்கு விடப்படும்.