இக்கூட்டம் சர்வதேசக் கூட்டமாக நடைபெற்றதை ஜெனீவா நாளிதழ் வெளியிட்டது. சுவிட்சர்லாந்தை இந்த இயக்கத்தினர் தேர்ந்தெடுப்பதற்கு அதன் பாரம்பரியமே காரணமாகும். கடந்த 1872ம் ஆண்டு இங்கு நடந்த ஒரு கூட்டம் தான் அரசு மறுப்பு கூட்டம்.

அதில் தொழிலாளர் நலம்பேணும் அரசாக விளக்க வேண்டும் என்று கூறி கார்ல் மார்க்ஸ் மற்றும் அவரது ஆதரவாளர்கள் போராடினர். அரசு மறுப்பு இயக்கத்தின் ஆரம்பக்காலம் சிந்தனையாளரான ரஷியாவைச் சேர்ந்த மிக்காயீல் பௌகுனின் சுவிஸ்ஸின் மலைப்பகுதியில் வாழ்ந்து இங்கேயே மறைந்துவிட்டார்.

மெக்சிகோவிலிருந்து வந்த ஒரு பெண் ஒரே சிந்தனையுடைய பலரும் ஓரிடத்தில் கூடி தமது கருத்துகளைப் பகிர்ந்து கொள்ளவும் பிறருக்கு எடுத்துச் சொல்லவும் இக்கூட்டம் பயன்படுவதாகத் தெரிவித்தார்.

ஐந்து மொழிகளைப் பேசத் தெரிந்தவர்கள், இங்கு வந்திருந்தவர்களின் மொழிப் பிரச்னையைத் தீர்த்துவைத்தனர். எல்லோருடைய கருத்துகளும் எல்லோருக்குச் சென்று சேர இவர்கள் உதவினர்.

கூட்டத்தில் கலந்து கொண்ட பீட்டர் "அரசுக்கு உதவியாக செயல்படும் காவல்துறை மக்களுக்கு எவ்விதத்திலும் உதவாததால் அத்துறை தேவையே இல்லை" என்றார். பொதுமக்களில் சிலரை குழுக்களாகப் பிரித்து காவல்பணியில் அமர்த்தலாம் என்றார். இக்கூட்டத்திற்கு 70 பத்திரிகையாளர் உலகம் முழுக்க இருந்து வந்திருந்தனர்.