15 வயதுக்கு மேற்பட்ட 320,000 பேரிடம் மொழியறிவு பற்றி ஆய்வு நடத்திய போது ஜேர்மனி (65.6%) பிரெஞ்சு (22.8%), இத்தாலிய மொழி (8.4%) அதிகம் பேசப்படுவதாக அறியப்பட்டது. ஆங்கிலத்தை 4.5% பேர் பேசுகின்றனர். சுவிஸ்ஸின் நான்காவது தேசிய மொழியாக இருக்கும் ரோமான்ஸ் மொழியை 0.6% பேர் மட்டுமே பேசி வருகின்றனர்.

பணித்தளத்தில் சுவிஸ் – ஜேர்மனியை (காப்பு மொழி) 66.9% பேரும் ஜேர்மனியை 32.3% பேரும் பிரெஞ்சை 29% பேரும் ஆங்கிலத்தை 16.5% பேரும் பயன்படுத்துகின்றனர்.

சுவிட்சர்லாந்தில் 38.8% பேர் பின்பற்றுவதால் கத்தோலிக்க சமயமே பெரும்பான்மை மக்களின் சமயமாக உள்ளது. ஆனால் இதுவும் முன்பை விட 3.7% குறைந்துள்ளது.

கிறிஸ்தவ மறுமலர்ச்சி சபையினர் 30.9% பேர் வாழ்கின்றனர். முஸ்லீம் சமயத்தை 4.5% பேர் பின்பற்றுகின்றனர். யூதரின் எண்ணிக்கை வெறும் 0.2% மட்டுமே.

இன்றும் திசினோ, வலாய்ஸ், ஃபிரிபோர்க், அப்பென்ஸெல், ஜுரா மாநிலங்களில் 60% மக்கள் கத்தோலிக்க சமயத்தைப் பின்பற்றுகின்றனர். ஜெனீவாவில் கத்தோலிக்கரும், சமயச் சார்பற்றோரும் ஏறத்தாழ 35% பேர் வாழ்கின்றனர்.