அரசைப் பொறுத்தவரை இளைஞர் இன்னும் அதிகமாக இணையதளத்தைப் பயன்படுத்துவார்கள் என்று எதிர்பார்க்கப்படுகின்றது.

அரசு வெளியிட்ட அறிக்கையில் ஒரு நாளைக்கு சுவிஸ் சிறுவர் சராசரியாக இரண்டு மணி நேரம் இணயதள நடவடிக்கையில் செலவிடுகின்றனர். இதுவே விடுமுறை நாளாக இருந்தால் மூன்று மணிநேரம் செலவிடுகின்றனர்.

இணையதளப் பயன்பாட்டில் சிலர் சில நிமிடங்களும் வேறு சிலர் பல மணி நேரங்களும் செலவழிக்கின்றனர். ஆனால் சிலருக்கு மட்டுமே கடுமையான பிரச்னைகள் தோன்றியுள்ளன.

கடந்த 2010ம் ஆண்டில் போதை மற்றும் மதுப் பிரச்னைக்கான சிறப்பு சிகிச்சை மையத்தில் (Sucht Info Schweiz) 13 வயது முதல் 29 வயதிலான இணையதளப் பயனாளிகளிடம் ஆய்வு செய்த போது 2.3 சதவீதம் பேருக்கு உடல், மன ரீதியான பிரச்னைகள் இருந்தன.

வீடியோ விளையாட்டுகள் விளையாடிய சிறுவர்களிடம் நடத்திய ஆய்வில் 4.9 சதவீதம் பேர் பிரச்னைக்குள்ளாகியிருந்தனர். இளைஞரை விட சிறுவர்களே இரண்டுமடங்கு சிரமப்படுவது தெரியவந்தது.

அதிக நேரம் இணையதளத்தில் நேரத்தைச் செலவழிக்கும் போது உணவு உண்ணல், உடல் தகுதி மற்றும் தூக்கப் பழக்கத்தில் எதிர் விளைவுகள் தோன்றும். அதிகநேரம் கனணித் திரையின் முன்பு உட்கார்ந்திருப்பதால் தசை இறுக்கமும், முதுகில் சில பிரச்னைகளும் உண்டாகும்.

உள்துறை அமைச்சகத்திடம் சுவிஸ் அரசு, இன்னும் விரிவாக இணையதளப் பயனாளிகளிடம் ஆராய்ச்சி செய்யுமாறு வேண்டிக் கொள்வதாக தெரிவித்தது. சில பிரச்னைகளில் இன்னும் தீவிரமாக ஆராய்ச்சி செய்ய வேண்டுமென்று அரசு விரும்புகிறது.