இந்தச் சலுகையை பாராளுமன்றம் அனுமதித்தால் MROS என்ற (Money Laundering Report Office) அலுவலகம் தங்கள் வங்கியின் வாடிக்கையாளர் குறித்த தகவல்களை வெளிநாட்டுப் பங்குதாரருக்கு அறிவிக்கும். MROS என்பது ஸ்விஸ்ஸின் மத்திய காவல்துறையின் ஒரு பிரிவாகும்.

MROS என்ற துப்பறியும் பிரிவு உலகளவில் செயல்படும் Egmont Group-ல் உறுப்பினராக உள்ளது. இந்த எக்மாண்ட் குரூப் என்பது ஒரு சர்வதேச துப்பறியும் அமைப்பு. இது நிதி ரகசியங்களைப் பற்றித் துப்பறிகின்றது.

இந்த அமைப்பு போன யூலை முதல் சுவிட்சர்லாந்தை MROS-ஐ தனது அமைப்பில் இருந்து விலக்கப் போவதாக அச்சுறுத்தி வருகிறது. இந்த அமைப்பில் 127 நாடுகளைச் சார்ந்தவர்கள் உறுப்பினர்களாக உள்ளனர்.

மற்ற அனைத்து நாடுகளும் தங்கள் கறுப்பு பண முதலைகளின் ரகசியங்களை வெளியிடுவதில் தயக்கம் காட்டவில்லை. ஆனால் சுவிஸ்ஸின் MROS மட்டும் இவர்களோடு ஒத்துழைக்க மறுத்தது. நிதி நடவடிக்கைப் பணிப் படை என்ற FATC-யும் ஒரு சர்வதேச அமைப்பாகும்.

இப்படை கறுப்புப்பணம் வைத்திருப்பவர்களையும், தீவிரவாதத்துக்கு நிதியுதவி செய்பவர்களையும் எதிர்த்து வருகின்றது. எனவே இந்தப் படை MROS இடம் உள்ள கறுப்புப் பணத்தை வங்கியில் போட்டு வைத்திருப்பவரின் பட்டியலை கேட்கின்றது.

சுவிஸ்ஸின் தற்போதைய சட்டம் இந்த வங்கி ரகசியங்களைத் தர அனுமதிக்காது. எனவே அரசு சட்டத் திருத்தத்தைக் கொண்டுவந்தால் மட்டுமே அந்நிய நாட்டவரின் வங்கிக் கணக்கு, பரிவர்த்தனை விபரம் வங்கி இருப்பு போன்ற ரகசியங்களை வெளியிட முடியும்.

அரசு இந்தச் சட்ட நடவடிக்கை எடுப்பதன் நோக்கம் வரி ஏய்ப்பு மற்றும் தீவிரவாதத்துக்கு நிதியுதவி வழங்குவதை தடுப்பதே காரணமாகும்.