சமீபத்தில் வெளியான இந்த ஆய்வை பொருளாதார நடவடிக்கைகளுக்கான அரசுத் துறையும்(Seco), வடமேற்கு ஸ்விட்சர்லாந்தில் உள்ள கலை மற்றும் அறிவியல் பல்கலைக்கழகமும் இணைந்து நடத்தியது.

சுவிட்சர்லாந்திலும், ஐரோப்பிய ஒன்றியத்தில் உள்ள நாடுகளிலும் இந்த ஆய்வு நிகழ்த்தப்பட்டது. சுவிட்சர்லாந்தில் பணிநேர கெடுபிடிகள் குறைவு, நெகிழ்ச்சியான பணிநேர அமைப்பு காணப்படுகிறது. இந்த வசதி வேறு எந்த ஐரோப்பிய நாட்டிலும் கிடையாது.

சுவிஸ் பணியாளர்கள் தமது பணி குறித்து முடிவெடுக்கும் உரிமை பெற்றுள்ளனர் மேலும் சுதந்திரமாகச் செயல்படுகின்றனர். பல்வேறு பயிற்சிகளும் இவர்களுக்கு வழங்கப்படுகிறது. 91% பேர் மனநிறைவோடும், மகிழ்ச்சியோடும் இருப்பதாகத் தெரிவித்தனர். பணியிழப்பு குறித்து இவர்கள் அஞ்வதுமில்லை.

டென்மார்க், பிரிட்டன், நெதர்லாந்து போன்ற நாடுகளிலும் பணியாளர்கள் மனநிறைவோடு பணியாற்றுகின்றனர். சுவிஸ்ஸில் குறிப்பிட்ட காலக்கெடுவுக்குள் கொடுத்த பணியைச் செய்து முடிக்க வேண்டும் என்ற மன அழுத்தம் அதிகமாக இருக்கின்றது. 2005 முதல் மன அழுத்தம் தொடர்பான உடல்நலக் கோளாறுகள் பெருகி வருகின்றன.

சுவிஸ் பணியாளர்களில் ஆரோக்கியமாக இருப்பதாக 87% பேர் கூறினர். ஆனால் ஐரோப்பிய ஒன்றியத்தில் இந்த எண்ணிக்கை 78% ஆக உள்ளது. பணியாளர்களுக்கு கழுத்து, தோள்பட்டையில் வலி, முதுகு வலி, தலைவலி, கண் சோர்வு, கால் வலி, தூக்கமின்மை, வயிற்றுவலி போன்றவை ஏற்படுகின்றன.

நிர்வாகப் பொறுப்பில் பெண்கள் குறைவாக உள்ளனர் 20% பேர் மட்டும் இருந்து வருகின்றனர். ஐரோப்பாவில் இந்த எண்ணிக்கை 25 இல் இருந்து 29 ஆக (2005-2010) உயர்ந்துள்ளது.