1992 பூமி மாநாடு நடந்தபோது எடுத்த தீர்மானங்களைச் சரிவர நிறைவேற்றவிடாமல் மீண்டும் அதைப் பற்றியே பேசியபடி கடந்த வெள்ளியன்று ரியோ + 20 மாநாடு நிறைவு பெற்றது.
இந்த மாநாட்டில் எவருக்கும் மகிழ்ச்சியில்லை என்று அதன் பொதுச்செயலர் ஷா ஜுகாங் தெரிவித்தார்.

சுவிஸ் அறிஞர்கள் இந்த மாநாட்டில் கலந்து கொண்டதில், பசுமைப் பொருளாதாரத்துக்கான முன்னுரையாக இந்த மாநாடு அமைந்ததைப் பாராட்டினர் சுற்றுப்புறச் சூழலைப் பாதிக்காத வகையில் புதிய வேலைவாய்ப்புகளை ஏற்படுத்தவும் இம் மாநாடு திட்டமிட்டது.

பசுமைச் சமாதானத்தின் நிர்வாக இயக்குநரான குமி நய்டூ, முந்தைய மாநாட்டில் எடுத்த முடிவுகளில் உருப்படியாகத் தோன்றியதை எல்லாம் இந்த மாநாட்டில் நீக்கி விட்டனர். எதிர்காலத்தில் நமது தேவைகளை எடுத்துரைக்க வேண்டிய தலைவர்கள் எவரும் நம்மிடையே இல்லை என்றார்.

அனைத்து நாடுகளும் தங்களுடைய நிலையான மேம்பாட்டுக் கொள்கைகளும் ஒன்றாக பசுமைப் பொருளாதாரக் கொள்கையை நடைமுறைப்படுத்த வேண்டும் என்பதை இந்த ரியோ + 20 இல் கையெழுத்தான ஒப்பந்தம் வலியுறுத்துகிறது.

சுவிட்சர்லாந்தில் சுற்றுச்சூழல் துறையின் அமைச்சர் டோரிஸ் லியுதார்ட் இந்த ஆண்டின் இறுதியில் அரசின் பார்வைக்காகப் பசுமைப் பொருளாதாரம் குறித்த ஓர் அறிக்கையை அனுப்புவார். 2010லியே சுவிஸ் அமைச்சகம் பசுமைப் பொருளாதாரத்திற்கான ஆறு செயல்பாட்டுப் பகுதிகளை வரையறுத்துள்ளது.