இவர்கள் தங்களின் விபரங்களை புதிய இணையதளமான Itinenis என்பதில் பதிவு செய்துவிட்டு, தாங்கள் ஒவ்வொரு நாளும் போகும் இடங்கள் போகும் நேரம் போன்ற தகவல்களை அவ்வப்போது தொலைபேசியில் குறுந்தகவலாக தெரிவிக்க வேண்டும்.

இதனால் இவர்கள் திடீரெனத் தொலைந்து போனாலோ ஏதேனும் ஆபத்தில் சிக்கிக்கொண்டாலோ உடனடியாக உதவமுடியும். ஒலிம்பிக் விளையாட்டுப் போட்டியைப் பார்க்க அடுத்த மாதம் பிரிட்டனுக்குச் செல்பவர்களும் கிரீசுக்குச் செல்பவர்களும் இந்தச் சேவையைப் பயன்படுத்திக் கொள்ளலாம்.

வெளியுறவுத்துறை இந்தச் சேவையை மேலை ஐரோப்பிய நாடுகளிலும் விரிவுபடுத்தத் திட்டமிட்டுள்ளது. சுற்றுலா அறிவுரைப் பட்டியலில் இப்போது ஸ்பெயின், போர்ச்சுகல், கிரீஸ் மற்றும் பிரிட்டன் நாடுகளை இணைத்துள்ளது.

ஸ்மார்ட்ஃபோன் திட்டத்தையும் அறிமுகப்படுத்தும் நோக்கத்தில் சுவிஸ் வெளியுறவுத்துறை செயல்பட்டு வருகிறது. மேலும் ட்விட்டர் இணையதளத்தில் இந்த ஆண்டின் தொடக்கம் முதல் சுற்றுலாப் பயணிகளின் விபரங்களைப் பதிவு செய்யப்பட்டு வருகின்றது.