கடந்த 1912ம் ஆண்டு யூலை மாதம் 12ம் திகதியன்று, சுவிட்சர்லாந்து நாட்டிலுள்ள தொழில்நுட்ப கைவினைஞர்களான பெயிண்ட்டர், ஃபிட்டர் போன்றோர் ஒரு போராட்டத்தை நடத்தினர்.

அந்தப் போராட்டத்தின் சிறப்பியல்புகள் குறித்து ரஷ்ய தலைவர் லெனின் 3 பக்க கட்டுரையொன்றை அந்நாட்டின் ப்ராவ்தா என்ற செய்தித்தாளில் எழுதியிருந்தார். ரஷ்யாவை விட்டு வெளியேறி அவர் அப்போது ஐரோப்பாவில் இருந்துவந்தார்.

விளாடிமீர் இலியாச் உல்யானோப் லெனின் என்ற முழுப்பெயர் கொண்ட லெனின் இந்தப் போராட்டம் குறித்து ரஷ்ய மொழியில் எழுதியதை ஆங்கிலத்தில் மொழிபெயர்ந்து மார்க்ஸிஸ்ட் கட்சியினர் தமது இணையதளத்தின் பழையநூல் காப்பகத்தில் பாதுகாத்து வருகின்றனர்.

பேசெல் பல்கலைக்கழகத்தின் வரலாற்றுத் துறையைச் சேர்ந்த பெர்னார்டு டீகென் Swissinfo.ch-ல் இந்தப் போராட்டத்தின் சிறப்பை விவரித்துள்ளனர்.

இந்தப் போராட்டம் அந்தக்கால கட்டத்தில் நடந்த மிகப்பெரிய போராட்டமாகும். இது ஒரு தொழில் அல்லது ஒரு துறை சார்ந்தவர்கள் நடத்திய போராட்டம் அல்ல. பலதொழில் செய்தவர்களும் தொழிலாளி என்ற ஒரே முத்திரையின்கீழ் நடத்தியதாகும் என்று டீகென் அதன் முக்கியத்துவத்தை உணர்த்தியுள்ளார்.

மேலும் இந்தப் போராட்டம் நல்லமுறையில் ஏற்பாடு செய்யப்பட்டிருந்தது. போராளிகள் கட்டுப்பாட்டுடன் நடந்து கொண்டனர். போராட்டத்தை ஆரம்பிக்கலாம் என்று சொன்னதும் ஆரம்பித்தனர். முடிக்கும் நேரம் வந்தவுடன் முடித்துவிட்டனர். போராட்டத்தில் எந்தப் பிரச்னையும் கிடையாது என்றார்.