இப்போது சிரியாவின் ஜனாதிபதி ஆசாதின் அரசியல் மற்றும் ஊடக ஆலோசகரான போதைனா ஷாபான் மற்றும் நிதித்துறை உள்துறை அமைச்சர்கள், தேசிய பாதுகாப்புத் துறை அரசு வானொலி, தொலைக்காட்சிகளுக்கு புதிதாக சுவிஸ் தடை விதித்துள்ளது.

இதற்கு முன்பு விதிக்கப்பட்ட தடையானது சுவிஸ் நிதி அமைப்புகள் சிரியா வங்கிகளுடன் புதிய தொழில் தொடர்புகளை முடக்குவதற்காகும். தற்போது மேலும் சிரியாவின் சர்வதேச இஸ்லாமிய வங்கியின் மீது புதிதாகத் தடை விதிக்கப்பட்டுள்ளது.

அல் ஆசாத் மற்றும் அவரது குடும்ப உறுப்பினர்கள், நெருங்கிய நண்பர் மற்றும் அலுவலக அதிகாரிகள் ஆகியோரின் சொத்துகளும், பயணமும் தடைக்கு உள்ளாகின. 70 மில்லியன் சுவிஸ் பிராங்க் மதிப்பிலான சிரியா சொத்துகளுக்கு தடை விதிக்கப்பட்டுள்ளது. ராணுவம் சார்ந்த 42 தொழில் மற்றும் 128 பேருக்கு தடை விதிக்கப்பட்டுள்ளது.

சிரியாவின் பாதுகாப்பு அமைச்சர் தாவூது ராஜாவும் துணைப் பாதுகாப்பு அமைச்சர் அசாஃப் சவுக்கத்தும் தற்கொலைப்படையினரின் தாக்குதலால் உயிரிழந்தனர். மக்கள்படை ஜனாதிபதி மாளிகை மீது தாக்குதல் நடத்தி வருவதாக ராய்ட்டா செய்திகள் தெரிவிக்கின்றன.