மூன்று பக்கங்களில் ஐந்து சட்டங்களை இயற்றி முதல் வாக்கெடுப்பை நடத்தியது. ஆனால் அரசு அதை நடைமுறைப் படுத்துவதில் கால தாமதம் செய்துவருகிறது.

மக்களின் கருத்துக்கு மாறாக அரசு இந்த விடயத்தில் செயல்பட்டு வருவதைக் கண்டித்து மீண்டும் ஒரு வாக்கெடுப்பை எடுக்க மத்திய அரசிடமிருந்து நேற்று அனுமதி பெற்றது. எதிர்வரும் 2014ம் ஆண்டு ஜனவரி 24 க்குள் 100,000 கையெழுத்துகளைப் பெற முனைந்துள்ளது.

இதன் முதல் வாக்கெடுப்பில், அந்நிய நாட்டுக் குற்றவாளிகள் எவ்விதக் குற்றம் செய்திருந்தாலும் அந்தக் குற்றத்தின் தீவிரத்தைக் கருத்தில் கொள்ளாமல் அவர்களை உடனடியாக நாட்டை விட்டு வெளியேற்ற வேண்டும் என்று வலியுறுத்தியுள்ளது. ஆனால் அரசு மனித நேயமற்ற நடவடிக்கையாகவும், சர்வதேச ஒப்பந்தங்களுக்கு எதிரானதாகவும் கருதியது.

இரண்டாவதாக இனி நடத்தப்போகும் வாக்கெடுப்புக்கான, சட்ட விதிகளில் குற்றவாளிகள் சிறிது காலம் சிறையில் இருந்திருந்தாலும் பொருட்படுத்த வேண்டியதில்லை என்று தெரிவித்துள்ளது. மேலும் குற்றப்பட்டியலை விரிவாக்கியுள்ளது.

மக்கள் கட்சி, அரசு வாக்காளர்களின் கருத்துக்கு மதிப்பளிக்க வேண்டும் என்பதில் உறுதியாக உள்ளது. சிறிய குற்றங்களில் ஈடுபட்டவர்களைக் கூட வெளியேற்றுவதில் தயக்கம் காட்டக்கூடாது. குற்றவாளியின் தனிநபர் அந்தஸ்தையும் கருத்தில் கொள்ளக்கூடாது என்பதை இக்கட்சி வலியுறுத்தி வருகிறது.

தற்காப்பு மற்றும் மன்னிக்கக்கூடிய தேவை இருந்தால் மட்டுமே விதிவிலக்கு அளிக்க வேண்டும். இந்த வாக்கெடுப்புக்கான சட்டவிதிகளில், சர்வதேசச் சட்டத்தைக் காட்டிலும் தாய்நாட்டுச்(சுவிஸ்) சட்டத்திற்கே முக்கியத்துவம் தர வேண்டும் என்பதும் குறிப்பிடப்பட்டுள்ளது.