இதனையறிந்த காவல்துறை இன எதிர்ப்புச் சட்டத்தின்படி அவர்மீது வழக்குப் பதிவு செய்து விசாரணை நடத்திவருகிறது. கிறிஸ்டல்நாட் என்பது 1938ம் ஆண்டு நவம்பர் மாதம் ஜேர்மனியில் யூதர்களுக்கு எதிராக நடந்த அட்டூழியத்தைக் குறிக்கும். அன்றிரவு சுமார் 100 யூதர்கள் கொல்லப்பட்டனர்.

அவர்களின் வீடுகளும், கடைகளும் அடித்து நொறுக்கப்பட்டன. தெரு முழுக்க சன்னல் கண்ணாடிகள் சிதறிக் கிடந்தன. இது போல இப்போது முஸ்லீம்களை அழித்து ஒழிக்க வேண்டும் என்று மக்கள்கட்சி உறுப்பினர் தெரிவித்துள்ளார்.

இவரைக் கண்டுபிடித்து இவரிடமிருந்த கணிப்பொறி முதலானவற்றை காவலர் கைப்பற்றினர். இவரிடம் விசாரித்ததற்கு இவர் மே மாதம் வழங்கப்பட்ட ஒரு தீர்ப்பின் மீதான தனது கருத்தை வெளியிட்டதாகவும் அதை ஊடகம் தவறாகப் புரிந்து கொண்டதாகவும் தெரிவித்தார்.

இந்த பூமியின் களங்கம் தொலைய சிலரை சுட்டுத் தள்ள வேண்டும் என்றும் இவர் ஒரு கருத்தைப் பதிவு செய்துள்ளார். இவர் ஓர் உள்ளூர்ப் பள்ளியின் நிர்வாகக்குழு உறுப்பினராவர். ஜுரிச்சின் ஏழாவது, எட்டாவது மாவட்டங்களின் மக்கள் கட்சி பொறுப்பாளராவார்.

ஜுரிச்சின் மக்கள் கட்சித் தலைவர் ராஜர் லீபி இந்த வழக்குக் குறித்து கருத்துத் தெரிவித்த போது, இவரை கட்சியிலிருந்து விலக்க வேண்டும் என்றார். பள்ளி நிர்வாகக் குழுவிலிருந்து இவரை வெளியேற்ற வேண்டும் என்று பசுமைக்கட்சியின் இளைஞர் அணி கருத்துத் தெரிவித்தது. இசுலாமிய மத்தியக் குழுவும் இவர்மீது கண்டனம் வெளியிட்டது.

யூதர்களுக்கான சுவிஸ் அமைப்பு, இந்தக் கருத்து யூதர்களுக்கும், முஸ்லீம்களுக்கும் எதிரானதாகும். எனவே சுவிஸ் மக்கள் கட்சி இக்கருத்துக்கான எதிர்ப்பை பகிரங்கமாகப் பதிவு செய்ய வேண்டும் என்று கோரிக்கை விடுத்துள்ளது.