சுவிஸ்சர்லாந்து தற்போது இதற்கு ஒத்துக் கொண்டது. ஆரம்பத்தில் இவ்வாறு ரகசிய வங்கிக் கணக்கு வைத்திருப்பவரின் பெயர்களை வெளியிடுவது கிரிமினல் குற்றமாகும் என்று சுவிஸ் அரசு மறுத்துவந்தது.

இப்போது அமெரிக்காவின் Facta என்ற வரிஏய்ப்புச் சட்டத்திற்கு ஒத்துழைப்பு அளித்துள்ளது. அவ்வாறு இல்லையென்றால் வங்கிகள் அபராதம் கட்ட வேண்டுமென்று அமெரிக்கா சட்டம் இயற்றியிருந்தது.

இந்த வரி செலுத்துதல் குறித்த அமெரிக்க சுவிஸ் ஒப்பந்தத்திற்கு முழு வடிவம் தர இன்னும் விவாதங்கள் நடைபெற்று வருகின்றன. அமெரிக்காவின் இந்தச் சட்டம் 2013 முதல் நடைமுறைக்கு வரும். சுவிஸ் அரசு தனது வங்கிகள் அமெரிக்க அதிகாரிகளோடு ஒத்துழைத்து வங்கிக்கணக்கு பற்றிய தகவல்களை வழங்கும். இதற்கு சுவிஸ் நாட்டுக் குற்றவியல் சட்டத்திலிருந்து விதிவிலக்கு அளிக்கப்படும்.

சர்வதேச நிதி நடவடிக்கைகளுக்கான அரசுத்துறை, ஃபேக்டாவிடன் ஒத்துழைக்க மறுப்பதால் சுவிஸ்ஸின் நிதி நிலைமைக்கு பேராபத்து ஏற்படும் வாய்ப்பு உள்ளது. அமெரிக்காவுடன் ஒத்துழைக்காவிட்டால் சுவிஸ் வங்கி மற்றும் பிற நிதி நிறுவனங்களோடு அந்நிய நாடுகள் கொண்டிருக்கும் வணிகத் தொடர்புகள் துண்டிக்கப்படும். அப்போது உலகின் மிகப்பெரிய முதலீட்டுச் சந்தையான அமெரிக்காவிடம் இருந்து சுவிட்சர்லாந்து தனிமைப்படுத்தப்படும்.

அமெரிக்கரும், இந்த ஒப்பந்தம் குறித்து மனநிறைவு பெற்றுள்ளனர். சுவிட்சர்லாந்து அரசு சர்வதேச வரி ஏய்ப்பு நடவடிக்கையை எதிர்த்து வரியை வசூலிக்கத் தனது முழு ஒத்துழைப்பை நல்கி இவ் வசூலை உறுதிப்படுத்தியதை நாங்கள் வரவேற்கிறோம் என்று அமெரிக்காவின் வரி கொள்கைக்கான துணைச் செயலர் எமிலி மக்மேஹோன் பாராட்டினார்.