இந்நிலையில் சோலார் இம்பல்ஸ் என்ற சூரியசக்தியில் இயங்கும் விமானம் வாடகை எதுவும் தர வேண்டாம் என்று எந்தச் சட்டமும் சொல்லவில்லை. எனவே அவர்கள் வாடகை கொடுக்க வேண்டும் என்று மத்திய தணிக்கை துறை கூறியதாக சுவிஸ் வானொலி ஒன்று தெரிவித்துள்ளது.

டியூஷே வங்கியும் ஒமேராவும் இணைந்து நிதி உதவி அளித்ததன் பேரில் இந்தத் திட்டம் தொடக்கப்பட்டது.

இதன் மூலம் எதிர்வரும் 2014இல் புகையில்லாத, மாசில்லாத தூய மின்சக்தியால் இயங்கும் விமானத்தைத் தயாரிக்கவும் திட்டமிடப்பட்டது.

இதுகுறித்து பாதுகாப்புத்துறை செய்தித்தொடர்பாளர் ஒருவர், கடந்த பெப்ரவரி முதல் அரசு வாடகை, கேட்டு வந்தாலும் இதுவரை சோலார் இம்பல்ஸ் அரசுடன் எந்த ஒப்பந்தமும் கையெழுத்திடவில்லை என்றார்.

சோலார் இம்பல்ஸைச் சேர்ந்த செய்தித் தொடர்பாளி, இந்த வாடகைப் பிரச்னை குறித்து அனைத்து அரசுத் துறைகளோடும் தமது நிறுவனம் பேச்சுவார்த்தை நடத்தி வருவதாகக் கூறினார்.