பெய்ரூட் நகரில் வைத்து ஐ.நா. அகதிகளுக்கான உயர் ஆணையரும், டிடியர் புர்கால்ட்டரும் இணைந்து பேட்டியளித்த போது லெபனான் சிரிய அகதிகளை ஆதரிக்க வேண்டும் என்றார்.

புர்கால்ட்டர், மேம்பாடு மற்றும் ஒத்துழைப்புக்கான சுவிஸ் அமைப்பிற்கான பெய்ரூட் அலுவலகத்திற்கு வருகை தந்தார். அப்போது இந்த அமைப்பு சிரியாவுக்கு அனுப்பிய மனிதநேய உதவித்தொகையை இரண்டு மில்லியன் ஃபிராங்கிலிருந்து 10 மில்லியன் சுவிஸ் ஃபிராங்குக்கு உயர்த்தியது.

லெபனான் நாட்டவர் சிரிய அகதிகளுக்குத் தங்கள் வீடுகளில் தங்குவதற்கு இடமளித்துள்ளனர். புர்கால்ட்டர் இந்த அகதிகளைக் குறித்து லெபனோனின் வெளியுறவுத்துறை அமைச்சரிடம் பேசினார். அந்நாட்டு ஜனாதிபதியையும், பாராளுமன்ற சபாநாயகரையும் சந்தித்துப் பேசினார்.

அனைத்துக் கட்சிகளும் கலந்து பேசி சிரியாவில் ஒரு அரசியல் தீர்வைக் கொண்டு வரும் என்று சுவிட்சர்லாந்து எதிர்பார்க்கின்றது. மேலும் போர்க்குற்றங்களில் ஈடுபட்டவர்கள் கண்டிப்பாகத் தண்டிக்கப்படுவார்கள் என்பதையும் புர்கால்ட்டெர் வலியுறுத்தினார்.