அவரது பள்ளி நிர்வாகம், அவரை குழுவிலிருந்து வெளியேற்றியது. அவரை சார்ந்திருந்த சுவிஸ் மக்கள் கட்சியும், கட்சியை விட்டு விலக்கியது. அவரது இனப்பகை உணர்வுக்காக அவரை காவல்துறையினர் கைது செய்து விசாரிக்கின்றனர்.

இந்தக் குற்றவியல் விசாரணை சமீபத்தில் அரசு தொடங்கியது. புதன்கிழமையன்று பத்திரிகையாளர் முன்பு தன் தவறை உணர்ந்துவிட்டதாக மன்னிப்புக் கேட்டார். தனது கட்சியிலிருந்து விலகிவிட்டதாகவும் கூறினார்.

முதலில் தான் அவ்வாறு பகிர்தளத்தில் எழுதவில்லை என்று மறுத்தவர் பின்பு பிரபல பத்திரிகை அவரது தவறை ஆதாரங்களுடன் நிரூபித்ததும் வேறுவழியின்றி ஒத்துக் கொண்டார். ஜுரிச் மக்கள் கட்சியின் தலைவரான ரோஜர் லீபி, இவரது கருத்துகள் ஏற்றுக் கொள்ள முடியாதவை என்றும், இவரைத் தமது கட்சியிலிருந்து விலக்கி வைப்பதாகவும் தெரிவித்தார்.

பசுமைக் கட்சியின் இளைஞர் அமைப்பும் இஸ்லாமிய மத்தியக் குழுவும் தமது எதிர்ப்பைப் பதிவு செய்தது. யூதர்களும் தமது எதிர்ப்பைத் தெரிவித்தனர்.

கிறிஸ்டல்நாட் என்பது உடைந்த கண்ணாடிகளின் இரவு என்று அழைக்கப்படும் ஒரு வன்முறைச் சம்பவம் நிறைந்த இரவாகும். அன்று சுமார் 100 யூதர்கள் கொல்லப்பட்டனர். அவர்களின் வீடுகளும், கடைகளும் அடித்து நொறுக்கப்பட்டன. தெரு முழுக்க சன்னலின் கண்ணாடிச் சில்லுகள் சிதறிக் கிடந்தன.

 இந்தச் சம்பவத்தை போன்று மசூதிகளை உடைக்க வேண்டும் என்ற தனது கருத்தில் இவர் பதிவு செய்திருந்தார்.